३० कात्तिक २०८१,शुक्रबार
दाङ । दाङको तुलसीपुरमा नक्कली नोटसहित ४ जना पक्राउ परेका छन् । गएराति करिब ९ बजेतिर तुलसीपुर उपमहानगरपालिका ९ बेलुवा र वडा नम्बर ५ बसपार्क पिपलबोट अवैध रुपमा नक्कली नोटको कारोबार गर्ने चार जनालाई पक्राउ गरिएको इलाका प्रहरी कार्यालय तुलसीपुरका सूचना अधिकारी प्रकाश थापाले जानकारी दिए ।
पक्राउ पर्नेमा तुलसीपुर उपमहानगरपालिका —१० राइखल्यान निवासी ३० वर्षिय राममनी चौधरी, तुलसीपुर—८ निवासी १७ वर्षिय सुमन बिक, तुलसीपुर—९ दोघरे निवासी १९ वर्षिय धनबहादुर खत्री, र शान्तिनगर गाउँपालिका—४ घर हाल तुलसीपुर—९ बेलुवा निवासी शिशिर बिक रहेका छन् ।
पक्राउ परेकाहरूको विषयमा थप अनुसन्धान भइरहेको प्रहरीले बताएको छ ।
