फागनु २६,२०८१ सोमबार
दाङ।नेकपा एमालेका केन्द्रीय सदस्य कोमल वलीले छोरीहरुको सक्षमताको आधार शिक्षा भएको बताएकी छन।नेपाल महिला संघ तुलसीपुर नगर कमिटीले नारी दिवसका अवसरमा सोमबार तुलसीपुरमा आयोजना गरेको अन्तरक्रिया तथा सम्मान कार्यक्रममा बोल्दै वलीले अबको समयमा शिक्षा बिना कोही पनि अगाडि बढ्न नसक्ने बताउँदै नारीको जीवनमा यसको महत्व झनै रहेको बताएकी हुन।
‘कसैको भनसुनमा पदमा पुग्न त सकिएला उनले भनिन,’तर शिक्षा बिना त्यस पद र क्षेत्रलाई न्याय गर्न कदापि सकिदैन।त्यसैले आफू सक्षम हुनका लागि नारीहरुले शिक्षामा जोड दिन जरुरी छ।’कार्यक्रममा बोल्दै अनेम संघका केन्द्रीय सदस्य तुलसा केसीले महिलाहरु आर्थिक रुपमा सक्षम भए मात्र समाज र देश समृद्ध बन्ने बताइन।उनले भनिन्,जब महिलाहरू शिक्षित हुन्छन्,तब पुस्तौँ पुस्ताले उज्ज्वल भविष्य पाउँछ।त्यसैले,हामी सबै मिलेर महिलाहरूलाई सीपमूलक तालिम, आधुनिक कृषि प्रविधि,स्वरोजगारका अवसर र स्वास्थ्य सेवामा पहुँच सुनिश्चित गराउनुपर्छ।
नगर इञ्चार्ज गिता रानाको स्वागत मन्तव्यबाट सुरु भएको कार्यक्रममा अनेम संघका केन्द्रीय सल्लाहकार विष्णु शर्मा ,संविधान सभा सदस्य शारदा स्वर्णाकार, लुम्बिनी प्रदेश सभा सदस्य रेखा शर्मा,नेकपा एमाले प्रदेश कमिटी सदस्यहरु सिमा न्यौपाने, विनोद शर्मा,नेकपा एमालेका दाङका उपसचिव भुवनेश्वर पौडेल,जिल्ला सदस्यहरु तुलसा पोख्रेल,गंगा वलि,तुलसीपुर उपमहानगरपालिकाका पुर्व उपप्रमुख माया शर्मा,वर्तमान उपप्रमुख स्यानी चौधरि,अनेम संघका जिल्ला अध्यक्ष लक्ष्मि शर्मा,क्षेत्रिय संयोजक यमुना परियार,सचिव वसन्ता केसि,शुभलक्ष्मि आमा समुहका अध्यक्ष दिपा परियार,१३ नं वडाका वडा सदस्य बिमला शर्मा,प्रेस चौतारि दाङका अध्यक्ष सुधासुमन ढकाल लगायतकाले बोलेका थिए।
सो अवसरमा दुई जना श्रमिक महिलाहरु रामकलि नेपाली र चिन्ता नेपालीलाई र सांगीतिक कार्यक्रम प्रस्तुत गरे बापत कृष्णि केसिअनिता भण्डारी र लक्ष्मि परियारलाई सम्मान गरिएको थियो।नगर कमिटीका अध्यक्ष लालमति भण्डारीको अध्यक्षतामा भएको कार्यक्रमको सहजिकरण नगर सचिव मेनुका पन्थीले गरेकी थिइन्।
