१६ मंसिर २०८१,आइतबार
दाङ ।रोल्पामा निर्माणाधीन झोलुङ्गे पुलको टेवा पर्खाल भत्किँदा पाँच जनाको मृत्यु भएको छ।
सुनछहारी गाउँपालिका वडा नम्बर ३ गाममा निर्माणाधीन झोलुङ्गे पुलको टेवा पर्खाल (रिटेनिङवाल)भत्किदा उक्त घटना भएको जिल्ला प्रहरी कार्यालय प्रमुख (डिएसपी) भरत लामाले जानकारी दिए ।मृतकमध्ये चार जनाको शव निकालिएको छ।घटनास्थलबाट दुई महिला र दुई पुरूषको शव निकालिएको छ।अर्का एक जनाको शव निकाल्ने प्रयास भइरहेको छ ।मृत्यु हुनेमा सुनछहरी ३ बाहिरी गामका ४५ वर्षीय दुजमान परियार, ३१ वर्षीय ओम परियार, ४० वर्षीया सुवित्रा परियार र २७ वर्षीया आइती परियारको मृत्यु भएको उनले बताए।
मौलाबाङ र बाहिरी गाम जोड्न झोलुङ्गे पुल निर्माणको काम चलिरहेको समयमा पर्खाल भत्एिको थियो।पुल निर्माणमा सात जना खटिएका थिए। पर्खाल भत्केको देखेपछि दुई जना भाग्न सफल भएका थिए।
