फागुन १७,२०८१ शनिबार
दाङ।लुम्बिनी प्रदेशका मुख्यमन्त्री चेतनारायण आचार्यले प्रेस स्वतन्त्रताका नाममा छाडातन्त्र कदापी स्विकार्य नहुने बताएका छन ।
प्रेस चौतारी नेपाल लुम्बिनी प्रदेश समितिको दोस्रो अधिवेशन उद्घाटन समारोहलाई शनिबार देउखुरीमा सम्बोधन गर्दै आचार्यले सामाजिक सञ्जालमा गैर पत्रकारहरुको हावीले अराजकता मच्चाई रहेको बताए।’अहिले प्रेस स्वतन्त्रताका नाममा सामाजिक सञ्जालको चरम दुरुपयोग गरि समाजलाई अतिरञ्जित गर्ने,अराजकता मच्चाउने गतिविधिहरू भईरहेका छन,’उनले भने,’यस्ता छाडातन्त्र कदापी स्विकार्य छैन।’
मुख्यमन्त्री आचार्यले पछिल्लो समय पत्रकारदेखि तर्सने र भाग्ने अवस्था सिर्जना हुन थालेको भन्दै त्यस तर्फ सचेत हुन पत्रकारहरूलाई आग्रह गरे ।‘कुनै निकायमा पत्रकार छिर्ने बित्तिकै भाग्ने,तर्सिने अवस्था सिर्जना भएको छ,’मुख्यमन्त्री आचार्यले भने,’यस्ता प्रवृत्तिलाई नियन्त्रण गर्न स्वयंम पत्रकारका संघसंगठन अग्रसर हुन जरूरी छ।’
