मनकारी अस्मिताले गरिन जन्मदिनमा स्टेशनरी सामाग्री वितरण
फागुन ११,२०८१ आइतबार
दाङ।जन्मदिन मनाउने चलन भड्किलो बन्दै गएका बखत एक पूर्व विद्यार्थीले स्टेशनरी सामाग्री वितरण गरेर आफ्नो जन्मदिन मनाउनु भएको छ।
तुलसीपुर उपमहानगरपालिका वडा नं.१३ की अस्मिता नेपालीले आइतबार आफूले अध्ययन गरेको विद्यालयमा हाल अध्ययनरत रहेका विद्यार्थीलाई स्टेशनरीका सामाग्री वितरण गरी जन्मदिन मनाउनु भएको हो।
सोही वडाको रनियाँपुरमा रहेको जनज्योति माध्यमिक विद्यालयमा अध्ययनरत ४४ जना विद्यार्थीहरुलाई कापी कलम दिएर जन्मदिन मनाउनु भएको हो ।मूलतः कलम कापीकै अभावमा बालबालिका विद्यालय जानबाट वञ्चित हुन नपाउन भन्दै जन्मदिनमा स्टेशनरी सामाग्री वितरण गरेको नेपालीले बताउनु भयो।
जन्मदिनको अवसर पारेर विद्यालयमा बालविकासदेखि कक्षा १० सम्म अध्ययन गर्ने छात्र/छात्राहरुलाई कलम र कापी उपलब्ध गराईएको थियो।नेपालीले उक्त विद्यालयमा कक्षा १० सम्म अध्ययन गर्नु भएको थियो।
फजुल खर्च गरेर भन्दा सामाजिक हितमा कुनै पनि उत्सवलाई मनाउनु पर्नेमा नेपालीले बताउनु भयो।स्टेशनरी सामाग्री पाएपछि विद्यार्थीहरुले खुशी व्यक्त गरेका छन।स्टेशनरी सामाग्री वितरणसंगै नेपालीको जन्मदिन विद्यालयमै केक काटेर मनाईएको थियो ।सो अवसरमा विद्यालयका सहायक प्रधानाध्यापक मधु नेपाली सहित विद्यालयका सम्पूर्ण शिक्षक/कर्मचारीहरुले स्टेशनरी सामाग्री वितरण गरेकोमा नेपालीलाई धन्यावाद ज्ञापन गर्नु भएको थियो।
