२०७९ माघ २० गते
काठमाडौं । नेकपा माओवादी केन्द्रको स्थायी कमिटी बैठक आज बस्दै छ ।
दिउँसो ३ बजे बस्ने बैठकमा आज सदस्यहरुले धारणा राख्ने छन् । बिहीबारको बैठकमा प्रधानमन्त्रीसमेत रहेका अध्यक्ष पुष्पकमल दाहाल प्रचण्डले समसामयिक राजनीतिक परिस्थितिको ब्रिफिङ गरेका थिए ।
आजको बैठकमा नेताहरूले गृहमन्त्री चयन, राष्ट्रपति निर्वाचन र पार्टीको जिम्मेवारी हेरफेर लगायत विषयमा धारणा राख्ने एक नेताले बताए ।
उनले गृह मन्त्रालय रवि लामिछाने नेतृत्वको राष्ट्रिय स्वतन्त्र पार्टी (रास्वपा)लाई दिने कि नदिने भन्ने विषयले गठबन्धन संकटमा परेको ब्रिफिङ गरेका थिए ।
नागरिकता विवादपछि सांसद र गृह मन्त्री पद गुमाएका रविले पुनः नागरिकता लिएपछि गृह मन्त्रालयमा दाबी गर्दै आएका छन् । तर प्रधानमन्त्री प्रचण्डले सर्वोच्च अदालबाट फैसलाको पूर्ण पाठ नआएसम्म गृह मन्त्रालय कसैलाई नदिने बताउँदै आएका छन् ।
नेकपा एमालेसमेतले गृह मन्त्रालय रास्वपालाई नै दिनुपर्ने अडान लिएको छ । रास्वापाले गृह मन्त्रालय नपाए सरकारबाट बाहिरिने चेतावनी दिएको छ । बिहीबार बसेको रास्वपाको बैठकले दुई दिन कुर्ने निर्णय गरेको थियो ।
![dn]l;ofsf u[xdGqL sf7df8f}Fdfsf7df8f}F, !( df3 . g]kfnsf] k|d'v >d uGtJo d'n's dn]l;ofsf u[xdGqL ;}km'l2g gf;';g O:dfOn tLg lbg] g]kfn e|d0fsf nflu laxLaf/ ;fFem sf7df8f}F cfpg'eof] . tl:a/ M ls/0f/fh lji6÷/f;;](https://nayasarokar.com/wp-content/uploads/2023/02/Malasia_mantri_dXvKN3jr6i-75x75.jpg)
