माघ २५,२०८१ शुक्रबार
दाङ।राप्ती साहित्य परिषद् दाङ शाखाले ७३ औं छन्दसंगम कार्यक्रम सम्पन्न गरेको छ।शुक्रबार परिषदको सभाहलमा कार्यक्रम भएको हो।वरिष्ठ साहित्यकार गणेश विषमको प्रमुख आतिथ्यता एंव वरिष्ठ साहित्कार पुरुषोत्तम खनालको विशिष्ट आतिथ्यतामा सम्पन्न भएको कार्यक्रममा एक दर्जन बढी साहित्यकारहरुले आफ्ना रचना वाचन गरेका थिए।
सो अवसरमा वरिष्ठ साहित्यकारहरु गणेश विषम,पुरुषोत्तम खनाल सहित अन्य साहित्यकारहरु डा.हिमाल पन्थी,एकराज शर्मा,नारायण भण्डारी,सुरेश कुमार पाण्डे,यम रेग्मी,नारद प्रसाद भण्डारी,एकनारायण चापागाई,धनसिङ गिरी,महेश कुमार न्यौपाने,विना रोका क्षेत्री,बिक्रम वली नेपाली बाबुले रचना वाचन गरेका थिए।
कार्यक्रमको समीक्षा साहित्यकार हरिप्रसाद पौडेल(स्वर्ण शिखा) ले गरेका थिए।उनले कार्यक्रममा आफ्नो रचना समेत वाचन गरेका थिए।राप्ति साहित्य परिषद् दाङ शाखाका अध्यक्ष यम रेग्मीको अध्यक्षतामा सम्पन्न भएको कार्यक्रममा उपाध्यक्ष सुरेश कुमार पाण्डेले स्वागत मनतव्य राखेका थिए भने सहजिकरण परिषद्का सचिव घनश्याम केसीले गरेका थिए।
