अरुण कुमार नेपाली
११ माघ २०७९ बुधबार
दाङ—लमहीमा माघ १२ गते (भोली)देखि सञ्चालन हुन लागेको छैंठौ देउखुरी कृषि,पर्यटन तथा व्यापारिक महोत्सवको तयारी पुरा भएको छ ।
अजम्बरी सामुदायिक वनको पिकनिक स्थल(बिबिधता पार्क) पछाडि १३ दिनसम्म सञ्चालन हुने महोत्सवको तयारी लगभग पुरा भएको आयोजक देउखुरी उद्योग वाणिज्य संघले जनाएको छ ।महोत्सवको उद्घाटन सञ्चार तथा सूचना प्रविधि मन्त्री रेखा शर्माले गर्ने कार्यक्रम तय गरिएको छ ।
महोत्सव सञ्चालन हुने स्थलमा अहिले स्टल निर्माणदेखि स्वागत गेट,फिल्ड सरसफाई,मञ्च सजावट लगायतका काम पुरा भएको देउखुरी उद्योग वाणिज्य संघका उपाध्यक्ष केशवराज पोख्रेलले जानकारी दिए ।
सुरक्षालाई दृष्टिगत गर्दै महोत्सव स्थलमा सिसीक्यामराको समेत जडान गरिएको छ । भने सूचना सञ्चारको कामलाई प्रभावकारी बनाउन इन्टनेटको समेत जडान गरिएको बरिष्ठ उपाध्यक्ष कमलजंग सिहं ठकुरीले जानकारी दिए ।
“कृषि पर्यटन उद्योग र व्यापार,देश समृद्धिको बलियो आधार”भन्ने मुल नाराका साथ सञ्चालन हुने महोत्सव माघ १२ गतेदेखि २५ गतेसम्म चल्ने छ । स्थानीय कृषि उत्पादनको बजारीकरण,खस्कदो व्यापारको पुनरुत्थान र पर्यटन विकासमा टेवा पु¥याउनको लागी महोत्सवको आयोजना गरिएको हो ।
महोत्सवलाई थप आकर्षित र प्रभावकारी बनाउन विभिन्न कला,संस्कृतिसंग सम्बन्धित झाँकी,नृत्य तथा स्थानीय र राष्ट्रिय स्तरका कलाकारहरुको प्रस्तुति समेत रहने छन् । करिब १ लाख भन्दा बढी दर्शकहरुले महोत्सवको अवलोकन गर्ने आयोजकले अपेक्षा गरेको छ । स्थानीय स्तरमा उपादित वस्तु तथा सेवालाई महोत्सवमा प्राथमिकता दिईने देउखुरी उद्योग वाणिज्य संघका अध्यक्ष खगेश्वर खनालले बताए ।
महोत्सवमा कृषि,पर्यटन,उद्योग र व्यापारसंग सम्बन्धित करिब २ सयको हाराहारीमा स्टल रहेका छन् ।जसमध्ये केही स्थानीय कृषि उपात्दनसंग सम्बन्धित स्टल र केही स्थानीय व्यवसायिसंग सम्बन्धित स्टल रहेको आयोजकले जनाएको छ ।
वाणिज्य संघले आफ्नो संघमा दर्ता भएका पसलहरुलाई भने पचास प्रतिशतको छुटमा स्टल उपलब्ध गराएको छ ।भने बाँकी सबै अन्य व्यवसायसंग सम्बन्धित स्टलह रहेको अध्यक्ष खनालले बताए ।महोत्सवलाई सहज रुपमा सञ्चालन र व्यवस्थापन गर्न लागी एक मूल समिति समेत बनाईएको छ ।